RECCON´08 biltzarrak interes handia du ingurumenarekin eta bereziki birziklatzearekin loturiko industria, administrazio, ingeniaritza eta aholkularitza-enpresentzat. Biltzarra erreferentzia-puntu bilakatu da estrategiak sendotzeko eta zehazteko orduan. Horrez gain, eztabaidagunea ere bada, eta birziklatzearekin loturiko interes-talde guztiak harremanetan jartzen ditu; batez ere aurten, gai nagusia material plastikoen birziklatzea izango baita.